गांव म बिजली के खंभा तो लगा दे गए हे फेर बिजली ….

रायपुर। बस्तर संभाग के कांकेर जिला म कुछु गांव आज भी बिकास ले कोसों दूर हे। गांव वाला मन ल मूलभूत सुविधा घलो नइ मिल पात हे। सबले खराब स्थिति तो अंतागढ़ क्षेत्र के गांव के हे। गांव म बिजली के खंभा तो लगा दे गए हे फेर बिजली अभू तक नइ पहुंच पाए हे। उहें स्थानीय लोगन मन के कहना हे कि बिधायक अऊ सांसद कउनो सुध नइ लेत हे। इहां आज तक कउनो भी जनप्रतिनिधि लोगन मन के हाल चाल जाने नइ आए हे। अऊ ग्रामीन मन बिजली नइ होए के सिकायत करत हे त ओमन ल आस्वासन देके टाल दे जाथे। उहें कुछ दिन पहिली ही कांकेर प्रवास के दउरान सीएम रमन सिंह ह 6-7 महीना म बस्तर के जम्मो गांव म बिजली पहुंचाए के भरोसा दे रहिस। त एकर ले कहीं न कहीं विकास के दावा के पोल खुलत दिखत हे।