4500 करोड़ साल पुराना उल्का पिंड ले बने हें 2 पिस्तौल, 10 करोड़ रूपया कीमत

अमेरिका के डलास म नीलाम होवइया दू पिस्तौल के कीमत 10 करोड़ रुपए लगाए गे हे। दूनों पिस्तौल ला 4500 करोड़ साल पुराना उल्टा पिंड ले तैयार करे गे रिहिस। विशेषज्ञ मन के अनुसार म्योनियोनॉलुस्टा उल्का पिंड हा धरती म सबले पहली-पहली गिरे उल्का पिंड म एक आय। नीलामी 20 जुलाई के अमेरिका के हैरिटेज ऑक्शन हाउस हा करही।
म्योनियोनॉलुस्टा उल्कापिंड ला स्वीडन म 1906 म खोजे गे रिहिस हे। ये उल्कापिंड ले पिस्तौल बनाए गिन। नीलामी के तैयारी पूरा हो गे हे अउ लिस्ट म एकर शुरुआती मूल्य 6 करोड़ रुपए रखे गे हे।
नीलामी हाउस के साइंस-नेचर डिपार्टमेंट के डायरेक्टर क्रैग किसिक के मुताबिक, ये पिस्तौल के ज्यादातर हिस्सा उल्कापिंड ले तैयार करे गे रिहिस हे। नीलामी हाउस के ऑफिशियल वेबसाइट म दूनों पिस्तौल के सेट ला अनोखा बताए गे हे। इंकर खूबी बतावत लिखे गये हे कि ए पिस्तौल मन ला 1911 के मशहूर कोल्ट पिस्टल ले प्रेरित होके तैयार करे गे रिहिस।
ए पिस्तौल मन ला तैयार करने वाला लोई बियोन्दू के मुताबिक, बंदूक ला बनाना अलग अनुभव रिहिस। ए मन ला तैयार करत समय अइसे लागत रिहिस कि जइसे मैं हा कार्बन स्टील, एल्युमीनियम अउ स्टील म हीरा मिलावत हंव।