जय जोहार । जिला रोजगार अउ स्वरोजगार मार्गदर्शन केन्द्र, रायपुर (Raipur) डहार ले छत्तीसगढ़ राज्य के स्थानीय शिक्षित बेरोजगार युवा ल रोजगार उपलब्ध कराय बर 9 जनवरी के जिला रोजगार कार्यालय, पुराना पुलिस मुख्यालय परिसर म प्लेसमेंट कैम्प के आयोजन करे गेहे। ये प्लेसमेंट कैम्प बिहनिया 11 बजे ले मंझनिया 2 बजे तक लगही ।
जिला रोजगार विभाग रायपुर के उप संचालक ह बताइन कि प्लेसमेंट कैम्प के माध्यम ले मनी टाक्स बिजनेस, स्मार्डाे टेक्नोलॉजिस अउ भारती एयरटेल लिमिटेड, रायपुर डहार ले सेल्स एक्सीक्यूटीव, ऑफिस स्टॉफ, पेपर कलेक्शन मैनेजर अउ डिलीवरी ब्वॉय के 82 पद म न्यूनतम 8वीं ले स्नातक उत्तीर्ण आवेदक मन के भर्ती 7 हजार ले 30 हजार रुपिया प्रतिमाह दर म करे जाही।
वोहा बताइन कि प्लेसमेंट कैम्प म योग्य अउ इच्छुक आवेदक ह निर्धारित तिथि अउ स्थल म अपन संग शैक्षणिक / तकनीकी योग्यता के प्रमाण-पत्र अउ बॉयोडाटा के संग उपस्थित हो सकते हे। जादा जानकारी बर आवेदक जिला रोजगार कार्यालय रायपुर म घलो संपर्क कर सकत हे।
