Raipur : आईटीआई माना म 26 अगस्त के लगही प्लेसमेंट कैम्प, पढ़व
जय जोहार…. (Raipur ) जिला रोजगार अउ स्वरोजगार मार्गदर्सन केन्द्र, रईपुर अउ आईटीआई माना के संयुक्त तत्वावधान म प्रदेस के सिक्षित बेरोजगार युवा मन ल रोजगार उपलब्ध कराय के उद्देश्य ले 26 अगस्त के आईटीआई माना म प्लेसमेंट कैंप के आयोजन करे गेहे। ए कैम्प ह बिहनिया 11 ले मंझनिया 2 बजे लगही।
प्लेसमेंट कैम्प ले निजी क्षेत्र के नियोजक हकदर्सक इम्प्रुवमेंट सॉलुशन्स प्राइवेट लिमिटेड डहार ले 18 ले 45 बछर तक के न्यूनतम 8वीं उत्तीर्ण आवेदक मन के भर्ती ल डिलीवरी बॉय अउ केयर गिव्हर्स के पद म 8 हजार ले 15 हजार रुपिया के वेतनमान म करे जाही।
अइसने (Raipur ) मारूति सुजुकी मोटर्स प्रायवेट लिमिटेड डहार ले डीजल मैकेनिक फिटर, टर्नर, मोटर मैकेनिक, वेल्डर, पेंटर जनरल, टूल एंड डाई मेकर, प्लास्टिक प्रोसेस ऑपरेटर, मशीनिष्ट, ट्रेक्टर मैकेनिक, विद्युतकार अउ सीओई के ऑटोमोबाईल के व्यवसाय में बछर 2016 ले 2021 तक के आई.टी.आई. उत्तीर्ण के भर्ती 20,100/- प्रतिमाह के वेतनमान म करे जाही।
रोजगार विभाग रईपुर (Raipur ) के उप संचालक एओ लारी ह बताइन कि ए पद म भर्ती बर योग्य अउ इच्छुक आवेदक मन ह निर्धारित तिथि म सैक्षणिक अउ तकनीकी सिक्षा अउ अनुभव प्रमाण पत्र के छायाप्रति के संग उपस्थित हो सकत हे।
