national : पीएम मोदी ह देस म लागू 3 ठीन कृषि कानून ल रद्द करे के करीन घोसना

जय जोहार…. (national) ए बेरा के सबले बड़का खबर पीएम नरेंद्र मोदी के सम्बोधन ले आवत हे। राष्ट्र के नाव संदेस म पीएम मोदी ह ऐलान करीन कि 3 ठीन कृषि कानून ह वापस होही। पीएम मोदी ह शुक्रवार के राष्ट्र ल संबोधित करीन।

(national) पीएम मोदी ह संबोधन म किहीन कि सरकार ह 3 ठीन कृषि कानून ल नेक नीयत के संग लाये रिहीन। लेकिन ये बात ल हमन ह किसान ल समझा नई पाइन। मोदी ह किहीन कि मोर प्यारे देस वासी आज देव दीपावली के पावन तिहार हे। आज गुरु नानक देव जी के घलो पावन प्रकास तिहार हे। मेहा विश्व म सबो मनखे अउ सबो देस वासी मन ल बधाई देवत हों।

पीएम मोदी ह किहीन कि मेहा किसान मन के परेसानी अउ चुनौती ल बड़ अकन करीब ले देखे हंव। (national) जब देस ह मोला 2014 म प्रधानमंत्री के तौर म देस के सेवा के मउका दीन त हमन ह किसान कल्याण ल सर्वोच्च प्राथमिकता दीन, बड़ अकन मनखे मन ह अनजान हे कि देस के 100 म ले 80 किसान छोटे हे। ओखर करा 2 हैक्टेयर ले घलो कमती भुईया हे। एखर संख्या 10 करोड़ ले घलो जादा हे। ओखर जिनगी के आधार इही छोटा भुईया के टुकड़ा हे।