PM मोदी आज सबो राज्य के मुख्यमंत्री के संग करही मीटिंग, कोरोना के मौजूदा स्थिति ल लेके करही चर्चा
जय जोहार…. (PM) प्रधानमंत्री नरेंद्र मोदी ह आज सबो राज्य के मुख्यमंत्री के संग मीटिंग करही। ए मीटिंग ह संझा 6.30 बजे होही। मीटिंग म पीएम मोदी ह वीडियो कांफ्रेंसिंग ले कोरोना के मौजूदा स्थिति म सबो राज्य के सीएम अउ उच्च अधिकारी मन ले चर्चा करही। एखर आलावा प्रधानमंत्री मोदी (PM) ह सबो राज्य के मुख्यमंत्री ले वैक्सिनेशन म घलो चर्चा करही।
बता देन कि दू दिन पहिले पीएम (PM) मोदी ह कोरोना रिव्यू मीटिंग करे रिहिन, जेमा पीएम मोदी ह अधिकारी मन ल निर्देश दे रिहिन कि कोरोना ल रोके बर सख्त कदम उठाये जाये।
भारत म कोरोना के हालात ह हरेक दिन गंभीर होवत जात हे। कुछु राज्य म जहां हरेक दिन कोरोना के नवा मामला सामने आवत हे। केंद्रीय स्वास्थ्य मंत्रालय के मुताबिक देश म भारत म 12 राज्य अईसे हे, जिहां कोरोना के मामला ह तेजी ले बाढ़त जात हे अऊ संक्रमण ले मनखे मन के मौत होवत हे।
