पत्रकार ऊपर जानलेवा हमला,  पुलिस ह 7 आरोपी ल पकड़िस

रायपुर. डीडी नगर थाना क्षेत्र म कचना के रहइया पत्रकार अभिषेक झा ले मारपीट करे के मामला म बार के मैनिजर अऊ 3 करमचारी समेत मारपीट करैइया 3 झन अन्य लोग ल पकड़िस हे।

ये मामला ह मंगलवार रात के हरे,  जब रायपुरा के मधुबन बार के बाहिर म पत्रकार ऊपर कुछ लोग मन हमला कर दिस अऊ ओखर साथ जमके मारपीट करिस तेकर बाद ओला सड़क किनारे म छोड़ के भाग गे। ओखर बाद कोनो ह पुलिस ल सूचना दिस हे अऊ घायल पत्रकार ल अस्पताल म भर्ती करइस हे। पत्रकार के चेहरा अऊ  होंठ ह फूल गे हे। ये घटना के प्रेस क्लब ह कड़ी निंदा करिस अऊ एसएसपी अऊ कलेक्टर ल ज्ञापन देके दोषी मन ऊपर करवाई करे के मांग करे गे रिहिस हे।