नक्सली वारदात म शामिल जन मिलिसिया सदस्य ल पुलिस ह करिस गिरफ्तार

बीजापुर। बासागुड़ा थाना के पुलिस बल ल नक्सल वारदात म शामिल जन मिलिसिया दल के एक झन फरार सदस्य ल पकड़े म सफलता मिलिस हे।

पुलिस थाना बासागुड़ा पुलिस अउ जिला पुलिस बल ह संयुक्त कार्रवाई करत बुड़गीचेरू ले फरार आरोपी (जन मिलिसिया सदस्य) ओयाम मंगलू उर्फ महेंद्रा पिता ओयाम पाण्डू 37 साल ल गिरफ्तार करिस हे। वो ह मेटापाल गांव के रहवईया हरे। गिरफ्तार नक्सली सदस्य ह जून महीना के 24 तारीख के आऊटपल्ली के जंगल म प्रेशर बम लगाके विस्फोट कर दिस, जेमा एक जवान ह गंभीर रूप ले घायल हो गे रिहिस।