जय जोहार…. (gariaband) जिडार रोड नदीपारा पुलिया के पास तेंदुआ के खाल के संग तस्कर ल पुलिस ह गिरफ्तार करे हे। पुलिस ह आरोपी ल न्यायालय म पेश करिस, जिहां ले आरोपी ल न्यायिक रिमांड म भेज दे गे हे।
गरियाबंद (gariaband) के पुलिस अधीक्षक भोजराम पटेल ल मुखबिर ले सूचना प्राप्त होइस कि मैनपुर क्षेत्र ले एक व्यक्ति ह वन्यप्राणी तेंदुआ के खाल ल बेचे बर ग्राहक के तलाश करत हे। जेन ह जिडार ले मैनपुर के ओर जावत हे।
सूचना म अतिरिक्त पुलिस अधीक्षक सुखनंदन राठौर, एसडीओपी रूपेश डाण्डे ल निर्देशित अउ थाना प्रभारी मैनपुर भूषण चंद्राकर के संग टीम गठित कर सहायक उप निरीक्षक अजय सिंग, आरक्षक माधव साहू, बीरबल नेताम, प्रकाश यादव, सैनिक पुरुषोत्तम डाहटे ल ग्राम जिडार की ओर रवाना करिस।
मुखबिर ले मिले सूचना के अनुसार ग्राम जिडार म नदीपारा पुलिया के पास एक व्यक्ति मिलिस, जेखर पास एक बैग म तेंदुआ के खाल ल बरामद करिस।
पुलिस के पुछताछ म आरोपी ल अपन नाम किशन यादव (29 वर्ष) साकिन जागी बिरदो खल्लारी जिला धमतरी बतइस हे।
(gariaband) कड़ाई ले पूछताछ करे म आरोपी ह वन्य प्राणी तेंदुआ ल जहर दे के मारना, ओखर खाल ल टंगिया ले छिल के नमक डाल के पेड़ म रख के सुखाना स्वीकार करिस। पुलिस ह आरोपी ल वन्य प्राणी संरक्षण अधिनियम 1972, 03 लोक संपत्ति नुकसानी निवारण अधिनियम के उल्लंगन करे म आरोपी किशन यादव ल गिफ्तार कर लिस।
No Comment! Be the first one.