pangolin के तस्करी करइया युवक ल पुलिस ह करे हे गिरफ्तार

जय जोहार…. पैंगोलिन (pangolin) के तस्करी करत एक आरोपी ल मैनपुर पुलिस ह गिरफ्तार करे हे। पुलिस ह आरोपी के खिलाफ 9,20,39 (1)(क)50 (क)51 वन्य प्राणी संरक्षण अधिनियम 1971 के तहत कार्रवाई करे हे।

पुलिस अधीक्षक भोजराम पटेल ह प्रेसवार्ता म बताइस कि मुखबिर ले मिले सूचना के आधार म थाना प्रभारी ल एक टीम गठित कर कार्रवाई करे के निर्देश दे गे रिहिस।

एखर बाद थाना प्रभारी मैनपुर ह टीम बना के कुल्हाड़ी घाट के पास एक व्यक्ति जेन सफेद टी-शर्ट अउ काला फुलपैंट पहने एक जुट के बोरा म पैंगोलिन (pangolin) रखे रिहिस। एला बेचे बर ग्राहक के तलाश म रिहिस।

ओखर ले पुलिस टीम के तरफ ले पूछताछ करे गिस। ए दौरान तलाशी ले म अवैध रूप ले रखे पैंगोलिन (pangolin) ल बरामद करे गिस। पुलिस के पूछताछ म अपन नाम ल युवक ह पीताम्बर कटा बताय हे, जेन जिला नुवापाड़ा, उड़ीसा के हे। मामले म मैनपुर पुलिस ह आरोपी ल गिरफ्तार कर न्यायिक रिमांड म भेज दे हे।