जय जोहार…. गरियाबन्द पुलिस के तरफ ले कोविड-19 के बचाव बर वीडियो संदेस जारी करे गे हे। एमा अपील करे गे हे कि वे अपन आसपास के लोगन मन के देखभाल ल करत हुये समाज के सहायता ल घलो कर सकत हे।
पुलिस कप्तान भोजराम पटेल ह जिला वासी मन ले अपील करे हे कि वो अपन आसपास साफ-सफाई के ख्याल रखे अउ खांसी-जुकाम ले पीड़ित व्यक्ति मन ल अस्पताल पहुंचाय म मदद करे। पुलिस ल फोन कर ओखर ले मदद ले सकत हे।
पुलिस कप्तान भोजराम पटेल ह लोगन मन ले निवेदन घलो करे हे कि वे सोच समझ के कोनो कदम उठाय। ओखर सती आम जन मन ल कोनो तकलीप नई हो अऊ समाजसेवा घलो हो जाय। कोविड-19 ले बचाव बर ए छोटे ले वीडियो म दिखाय गे हे कि एक व्यक्ति ह खांसी-जुकाम ले पीड़ित हे।
ए दौरान वह घूम-घूम के कई दुकान म जावत हे, लोगन मन ले मेल अऊ मुलाकात करत हे। ए बीच एक युवक ह देखथे कि वो व्यक्ति ह कुछु दिन ले सर्दी-खांसी ले पीड़ित हे, त पुलिस ल फोन करत हे। पुलि अऊ कोविड-19 टीम ह मेडिकल सुविधा के संग ओ व्यक्ति ल पूरा सतर्कता ले उपचार बर ले जावत हे।
