सिटी कोतवाली गरियाबन्द ह नशा मुक्ति बर चलाय हे जन जागरूकता अभियान

जय जोहार…. अन्तर्राष्ट्रीय नशा मुक्ति दिवस के अवसर म सिटी कोतवाली गरियाबन्द के तरफ ले नशा मुक्ति अभियान चलाय गे हे। ए दौरान पुलिस ह बैनर, पोस्टर, स्लोगन समेत आन माध्यम ले लेगन मन ल नशा के दुष्परिणाम ले अवगत कराय हे अऊ नशा छोड़े के आग्रह घलो करे हे।
ए अवसर म सिटी कोतवाली के नवपदस्थ थाना प्रभारी निरीक्षक विकास कुमार बघेल ह होम क्वारेन्टाइन म रहत हुये घलो अपन अधीनस्थ कर्मचारी मन ल दूरभाष अउ वीडियो कॉलिंग ले निर्देशित करिस।

एखर बाद नगर के गांधी मैदान, मुख्य सब्जी बाजार अउ नगर के अलग-अलग क्षेत्र के संगेसंग ग्रामीण अंचल में नशा के दुष्परिणाम के सम्बंध म लोगन मन ल अवगत कराय गे हे अऊ नशा छोड़े के आग्रह घलो करे गिस।
ए प्रचार के दौरान सउनि जोहरलाल पटेल, आरक्षक राकेश यादव, ललित नेताम, सैनिक राजपाल नेताम, रविशंकर सोनवानी, मिथलेश सिन्हा, दिलीप तिवारी, महिला आरक्षक निलकुशुम खलखो, जीतू नेताम के तरफ ले बैनर, पोस्टर, स्लोगन के माध्यम ले नशा मुक्ति बर जन जागरूकता कार्यक्रम करे गिस।