dhamtari : पुलिस अधिकारी अउ जवान मन ह करिन पौधरोपण

जय जोहार…. रक्षित केन्द्र परिसर, धमतरी म मंगलवार के पुलिस अधिकारी अउ कर्मचारी मन ह पौधरोपण करे हे।

एखर पहले पुलिस अधीक्षक एसपी बीपी राजभानु ह जनरल परेड दिवस म पुलिस अधिकारी अउ जवान मन के संग पीटी परेड म शामिल होय हे।

एखर बाद सब्बो पुलिस अधिकारी अउ जवान मन के संग मिल के रक्षित केन्द्र परिसर म छायादार अउ पलदार पौधा के रोपण करे हे।

ए दौरान अतिरिक्त पुलिस अधीक्षक मनीषा ठाकुर रावटे, उप पुलिस अधीक्षक अरुण जोशी, उप पुलिस अधीक्षक अजाक सारिका वैद्य, रक्षित निरीक्षक के देव राजू, थाना प्रभारी सिटी कोतवाली, अर्जुनी, रुद्री, सूबेदार रेवती वर्मा, शक्ति टीम अउ आन पुलिस अधिकारी, कर्मचारी ह उपस्थित रहिस।