बॉक्सिंग रिंग म उतरिस राजनीति के खेलाड़ी रमन सिंह ह

रायपुर। क्या आपन मुख्यमंत्री रमन सिंह ल बॉक्सिंग रिंग म मुक्केबाजी करत देखे हव। त लोगन मन के जवाब येहीं रह ही कि वो ह राजनीति के मइदान म पंच मारे म माहिर हे। उंखर पंच के वजह ले कांग्रेस 15 साल ले सत्ता ले बाहिर हे। लेकिन हकीकत म ये घलो हे कि बॉक्सिंग रिंग म सीएम रमन सिंह ह बॉक्सिंग ग्लव्स घलो पहिनिस अउ पंचिंग बैग म मुक्केबाजी घलोक करिन।
दरअसल मुख्यमंत्री रमन सिंह प एक बॉक्सर के तौर म नजर आय के वजह हे सुभाष स्टेडियम के उद्घाटन समारोह । ये दउरान सीएम ह अपन हाथ मन म बॉक्सिंग ग्लव्स पहिनिस अउ मुक्केबाजी के मइदान म उतर आइस। अउ पंचिंग बैग म पंच मारिस हे। उमन के ये रूप ल देख उंखर प्रशंसक बेहद हैरान हे।
असल म बॉक्सिंग रिंग के खेलाड़ी मन ल प्रोत्साहित करे बर सीएम रिंग म उतरिस अउ उमन ल बकाइस के मेहनत अउ लगन ले स्पर्धा म आघू बढ़े जा सकत हे। उमन ह खेलाड़ी मन उपर विस्वास जतात हुए कहिन के उमन ल पूरा उम्मीद हे कि ये खेलाड़ी मन जल्द ले जल्द अंतरराष्ट्रीय प्रतियोगिता मन म खेलही।