जय जोहार रायपुर…. केंद्रीय आयकर विभाग ह छत्तीसगढ़ म छापामारी करे हे। ये छापामारी ले प्रदेश के सियासत म भुचाल मच गे हे। सत्ताधारी कांग्रेस ह एला लेके राष्ट्रपति रामनाथ कोविंद के नाम ले एक ज्ञापन घलो सौंपे हे, जेमा केंद्रीय एजेंसी के दुरूपयोग ल रोके के मांग करे हे।
ज्ञापन म बताए गे हे कि विगत दिन म छत्तीसगढ़ म होए चुनाव म लगातार भाजपा ल हार मिले हे अऊ कांग्रेस पार्टी ह तीन चौथाई बहुमत ले प्रदेश म सरकार बनइस। एखर बाद दंतेवाड़ा विधानसभा उपचुनाव, चित्रकोट विधानसभा उपचुनाव, नगरीय निकाय संस्थान मन के चुनाव, त्रिस्तरीय पंचायती राज संस्था के चुनाव म घलो भाजपा ल हार मिलिस।
कांग्रेस नेता मन ह आरोप लगावत हे कि मोदी सरकार के जनविरोधी नीति के चलत छत्तीसगढ़ म विरोध करे जात हे। संगेसंग प्रदेश के पूर्व भाजपा सरकार के काला करतूत ह घलो उजागर होवत हे। इहीं बौखलाहट म छापामारी के कार्यवाही करके प्रदेश म भय, डर, आतंक अऊ दहशत के माहौल बनाए के कोशिश करे जात हे। केंद्रीय आयकर विभाग के बड़े कार्यवाही ल 36 घंटा बीत जाए के बाद सरकार के मुखिया, मुख्य सचिव अऊ डीजीपी ल कोनो सूचना दे बर जरूरी नई समझिस। जबकि कानून व्यवस्था राज्य सरकार के अधिकार क्षेत्र म आथे।
Other Articles
राज्य सरकार ह करिस दो आईएएस अफसरों के विभाग म बदलाव
