chhattisgarh: सीएम भूपेश बघेल ह करिन बड़का घोसना, गरीब परिवार ल जुलाई ले नवंबर तक 5 महीना के मिलही मुफ्त चावल
जय जोहार…. (chhattisgarh) सीएम भूपेश बघेल ह कोरोना महामारी के सेती प्रदेश के गरीब परिवार ल बड़का राहत देवत हुए जुलाई ले नवंबर महीना तक के चावल मुफ्त प्रदान करे के घोसना करे हे। प्रदेश के सबो बीपीएल राशन कार्ड धारक मन ल जुलाई से नवम्बर तक 5 महीना के चावल मुफ्त दे जाहि।
एखर संगेसंग (chhattisgarh) सीएम बघेल ह राज्य खाद्य सुरक्षा अधिनियम के तहत जारी सबो रासन कार्ड ल पीएम गरीब कल्याण योजना के समकक्ष अतिरिक्त चावल घलो दे के घोसना करे हे। ए घोसना ले प्रदेश के 67 लाख 90 हजार 987 राशनकार्ड के 2 करोड़ 51 लाख 46 हजार 424 सदस्य लाभान्वित होही। बता दें की छत्तीसगढ़ सरकार के तरफ ले राज्य के गरीब अउ जरूरतमंद परिवार मन ल रहत प्रदान करे बर सार्वजनिक वितरण प्रणाली के तहत मई अउ जून महीना के चावल मुफ्त वितरण करे गे हे।
(chhattisgarh) सीएम बघेल के घोसना के तहत गरीब परिवार ल अब जुलाई ले नवम्बर तक चावल मुफ्त दे जाहि। ए ल निर्णय ले प्रदेश के अंत्योदय राशन कार्ड, प्राथमिकता वाले राशन कार्ड, अन्नपूर्णा राशनकार्ड, निराश्रित अउ निशक्तजन राशन कार्डधारी ल लाभ मिलही। एखर संग राज्य खाद्य सुरक्षा अधिनियम के तहत जारी सबो रसन कार्ड ल पीएम गरीब कल्याण योजना के समकक्ष अतिरिक्त चावल घलो प्रदान करे जाहि।
