गरीब परिवार मन ह राशन बर नई होही मोहताज, महापौर अऊ पार्षद ह खर्च कर सकही अपन निधि

जय जोहार रायपुर….  कोरोना वायरस के वजह ले लगे लॉकडाउन के दौरान रोजी-रोटी ले वंचित लोग मन बर राशन के व्यवस्था म महापौर अऊ पार्षद मन के निधि के उपयोग करे जा सकत हे। ए संबंध म नगरीय प्रशासन अऊ विकास विभाग ह तमाम निगम आयुक्त अऊ नगर पंचायत सीएमओ ल निर्देश जारी करे हे।

बतावत जात हे कि लॉकडाउन के वजह ले परेशान गरीब परिवार मन के मदद बर महापौर अऊ पार्षद मन ह अपन निधि ले राशि खर्च किए जाना के प्रस्ताव ल निगम के माध्यम ले सरकार तक पहुंचाए रहिस। नगरीय प्रशासन अऊ विकास विभाग ह तमाम निगम आयुक्त मन ले महापौर अऊ पार्षद मन ले प्राप्त प्रस्ताव म आवश्यकता के हिसाब ले कार्रवाई बर निर्देशित करे हे।