छत्तीसगढ़ के संग गरीब कल्याण योजना म ये सौतेला व्यवहार काबर: शैलेश नितिन त्रिवेदी
जय जोहार…. कांग्रेस संचार विभाग के अध्यक्ष शैलेश नितिन त्रिवेदी ह कहिन कि रमन सिंह के 15 वर्ष के कार्यकाल म भ्रष्टाचार, कमीशनखोरी, कुशासन अउ जनविरोधी नीति के सती छत्तीसगढ़ ल गरीब के मामले म देश म नम्बर वन बनाय गिस। अब फेर भाजपा नेता मन के गरीब विरोधी चरित्र ह उजागर हो गे हे।
छत्तीसगढ़ के भाजपा नेता अउ सांसद मन के तरफ ले छत्तीसगढ़ ल गरीब कल्याण योजना ले छत्तीसगढ़ के पांच लाख मजदूर मन ल मोदी सरकार के तरफ ले घलो वंचित करे ल जायज ठहराय के षड्यंत्र रचे जावत हे।
कांग्रेस संचार विभाग के अध्यक्ष शैलेश नितिन त्रिवेदी ह कहिन कि एनएसएसओ के आकड़ा के आधार म छत्तीसगढ़ म गरीबी रेखा के नीचे जीवन यापन करइया के संख्या ह 47.9 प्रतिशत हे।
ये पूरा देश म सबले जियादा हे। गरीबी रेखा के नीचे रहवइया के राष्ट्रीय औसत ह शहरी क्षेत्र बर 13.7 प्रतिशत अउ ग्रामीण क्षेत्र बर 25.7 प्रतिशत हे।
गरीब कल्याण रोजगार योजना म शामिल करे गे राज्य उड़ीसा (45.9 प्रतिशत), मध्यप्रदेश (44.3 प्रतिशत), झारखण्ड (42.4 प्रतिशत) अउ बिहार (41.3) प्रतिशत ह गरीबी रेखा के मामले म क्रमश- 2, 3, 4 अउ पांच हे।
वो हा कहिन कि गरीब कल्याण योजना म राजस्थान ल घलो शामिल करे गे हे। जिहां गरीबी रेखा के आकड़ा ह छत्तीसगढ़ ले कम 21.7 प्रतिशत हे।
पर सबले जियादा गरीबी रेखा प्रतिशत वाले राज्य छ्त्तीसगढ़ ल दुर्भावनापूर्वक छोड़ दे गे हे।
भाजपा के केन्द्रीय मंत्री, 9 लोकसभा सांसद, दू राज्यसभा सांसद, राष्ट्रीय उपाध्यक्ष अउ राष्ट्रीय महामंत्री ह बताए कि मोदी सरकार ह छत्तीसगढ़ के गरीब जनता ले कोन बात के बदला लेना चाहत हे।
