chhattisgarh : सीएम भूपेश बघेल के किसान मन ले पैरा दान करे के अपील के होय हे सकारात्मक असर, किसान मन ह करीन 15.67 लाख क्विंटल ले जादा पैरा दान

जय जोहार…. (chhattisgarh) मुख्यमंत्री भूपेश बघेल डहार ले गौठान म पशु के चारा बर किसान मन ले करे पैरा दान के अपील के सकारात्मक असर दिखत हे । किसान मन ह अब तक 15 लाख 67 हजार 507 क्विंटल पैरा दान ल गौठान म करे हे । जेखर मूल्य 200 रुपिया प्रति क्विंटल के दर ले लगभग 31 करोड़ 35 लाख रुपिया हे ।

अधिकारी मन ले प्राप्त जानकारी के अनुसार 15 फरवरी के स्थिति म (chhattisgarh) अब तक सबले जादा पैरा दान बिलासपुर संभाग के किसान मन डहार ले करे गेहे । बिलासपुर संभाग म किसान मन ह 6 लाख 10 हजार 765 क्विंटल, दुर्ग संभाग म 3 लाख 80 हजार 361 क्विंटल, रायपुर संभाग म 3 लाख 69 हजार 600 क्विंटल, बस्तर संभाग म 1 लाख 31 हजार 994 क्विंटल अउ सरगुजा संभाग म किसान मन ह 74 हजार 787 क्विंटल पैरा दान करीन हे ।