रायपुर। पत्थलगड़ी बिवाद ल लेके सीएम रमन सिंह बयान देत कहिस कि कुछु धर्मांतरन करइया लोगन मन अपन निजी फायदा बर आदिवासी मन ल बांटे के प्रयास करत हें। ओहर कहिस कि एकर ले पहिली झारखंड म घलो अइसन कोसिस हो चुके हे। आप मन ल बता दन कि मंगलवार के घलो सर्व आदिवासी सनातन समाज ह पत्थलगड़ी के बिरोध करिस अऊ धर्मांतरन करइया वाला ईसाई मन के आरक्षन खत्म करे के राष्ट्रपति ले मांग करिन। आदिवासी संगठन के एक-दूसर के खिलाफ खड़ा होए ले जिला के सियासत अऊ आपसी तालमेल बिगड़े के संभावना बढ़त हे, फेर एला रोके बर प्रसासन अऊ पुलिस अलर्ट हे।
