” महाराज के पेंदा ले.. ” म प्रदीप शर्मा अऊ बोचकु के बेजोड़ अभिनय , छोटे पर्दा बर होवत हे शूटिंग

जय जोहार रायपुर… छत्तीसगढ़ी सिनेमा के दिग्गज कलाकार प्रदीप शर्मा , बोचकु (संतोष निषाद ) अऊ उर्वशी साहू के अभिनय म जुगलबंदी देखे बर मिलही ” महाराज के पेंदा ले… ” म , ये हास्य नाटक के शूटिंग जन्गलेसर गाँव म होय हे , अभी तक सैकड़ो फिलिम अऊ नाटक म अपन अभिनय के लोहा मनवा चुके ये कलाकार मन अब अपन दर्शक मन बर ले के आवत हे ये नाटक , एखर शूटिंग करे हे कैमरामैन लक्ष्मण यादव ह ,

कलाकार प्रदीप शर्मा ह किहिस कि ये नाटक गम्मत पैटर्न के आय लेकिन एमा हमन अभिनय के माध्यम ले नवापन लाय के कोशिश करे हन जेन ह दर्शक मन ल जरुर पसंद आही, बता दन कि ये नाटक के प्रदर्शन उर्वशी साहू के यू टयूब चेनल म करे जाही अऊ एखर बाद घलो नवा नवा हास्य अऊ पारिवारिक ड्रामा ले के आय जाहि.