बैद्य के भूमिका म नजर आही प्रदीप शर्मा , फिलिम के नाम हे “बरात ले के आजा “

जय जोहार रायपुर… छत्तीसगढ़ी सिनेमा के जाने माने कलाकार प्रदीप शर्मा ल अलग अलग भूमिका करे म महारथ हासिल हे , अभी तक सैकड़ो फिलिम म अभिनय कर चुके प्रदीप शर्मा छत्तीसगढ़ी फिलिम ” बरात ले के आ जा ” म एक बैद्यराज के भूमिका अदा करत हे , बता दन कि ये फिलिम ल निर्देशित करत हे धर्मेन्द्र चौबे ह ,प्रदीप शर्मा के संग एमा कामेडी करत नजर आही उर्वशी साहू ह , दुनो के जोड़ी अभी कई ठन फिलिम म देखे बर मिलही , प्रदीप ह किहिस कि धर्मेन्द्र एक सुलझे हुए निर्देशक के रूप म उभरही, अभी एखर शूटिंग देवनगरी देवबलौदा म चलत हे, एखर शूटिंग के समय कलाकार मन ले मिले बर गाँव वाला मन बड़े संख्या म जुरियाय रिहिन.