कांग्रेस ह राजनांदगांव सीट जीते बर करत हे कसरत

कांग्रेस ह राजनांदगांव सीट जीते बर करत हे कसरत

राजनांदगांवः  कांग्रेस राजनांदगांव लोकसभा सीट ल जीते बर कमर कसत हवय.एला

लेके  कांग्रेस के छत्तीसगढ़ सह प्रभारी चंदन यादव ह पार्टी पदाधिकारी मन

अउ कार्यकर्ता मन के संग बइठक करिस.  चंदन जिला के लोकसभा चुनाव बर

उम्मीदवार के नाम ल लेके कार्यकर्ता मन के राय लेवत हे.

चंदन यादव ह कांग्रेस के राजनांदगांव ले लोकसभा उम्मीदवार के चयन  बर बूथ

स्तर  के कार्यकर्ता मन ले चर्चा करत हवय. संगे-संग पदाधिकारी मन के घलो

नब्ज टटोले जात हे. कार्यकर्ता मन अउ पदाधिकारी मन ले रायशुमारी के बाद

दावेदार मन के नाम प्रदेश चुनाव समिति ल सउपे जाही. एखर  बाद केंद्रीय

स्क्रीनिंग कमेटी म ए विषय म चर्चा कर जाही. पार्टी के शीर्ष नेतृत्व ए

सीट म चुनाव लड़े बर सबले प्रबल दावेदार के नाम म मुहर लगाही.

पार्टी नइ दुहराही ए गलती

टिकट वितरन म कार्यकर्ता मन के भावना मन के काफी ख्याल रखे जात हे. बता

दन के विधानसभा चुनाव म पार्टी ह बाहरी प्रत्याशी के रूप म करुणा शुक्ला

ल मइदान म उतारे रहिस हे. जेखर बाद पार्टी म काफी उथल-पुथल के स्थिति

पइदा होए रहिस हे. ए मद्देनजर कांग्रेस ए गलती ल लोकसभा चुनाव म दुबारा

नइ दुहराना चाहत हे.

प्रदेश प्रभारी यादव ह कार्यकर्ता मन के संग बइठक म लोकसभा चुनाव के

रणनीति मन म काफी चर्चा करे हे. उमन कार्यकर्ता मन ल लोगन के बीच जाके

भाजपा के फेल योजना मन ल बताए बर कहिस हे.