कोरोना ले निपटे बर रायपुर रेल मंडल के तैयारी, आइसोलेशन अऊ क्वारेंटाइन वार्ड बर वैगन रिपेयर शॉप ह बनात हे पलंग

जय जोहार रायपुर…. रायपुर रेल मंडल म रेलवे चिकित्सालय के तरफ ले कोरोना वायरस ल लेके सतर्कता अऊ आपात स्थिति ले निपटे बर के तैयारी करे जात हे। रायपुर रेल मंडल म लगभग 200 क्वारेंटाइन बेड बनाए जात हे। क्वारेंटाइन बेड रेलवे सुरक्षा बल बैरैक अऊ इंजीनियरिंग कालोनी भिलाई अऊ दुर्ग म घलो क्वारेंटाइन बेड बनाए के तैयारी हे।

दक्षिण पूर्व मध्य रेलवे के निर्देश के अनुसार वैगन रिपेयर शाप रायपुर ल हास्पिटल बेड बनाए के जिम्मेदारी दे गे हे। वैगन रिपेयर शाप रायपुर के मुख्य कर्मशाला प्रबंधक प्रदीप कामले ह बताइस कि एखर बर तकरीबन 50 स्टाफ के एक स्पेशल गैंग बनाए गे हे, जेन लाकडाउन के दौरान घलो वर्कशाप म संरक्षा अऊ सोशल डिस्टेन्सिंग के ध्यान रखत हुए हास्पिटल बेड के निर्माण करत हे। एखर बर आवश्यक सामग्री ल सामान्य भंडार डिपो ले मुहैया कराए गे हे। अब तक 30 बेड के निर्माण कर ओला रायपुर मंडल रेलवे चिकित्सालय के सुपुर्द कर दे गे हे।