जय जोहार रायपुर…. आमानाका पुलिस ह टाटीबंध चौक के पास एक महिला समेत चार आरोपी मन ल गिरफ्तार करिस। एखर मन के पास ले 50 किलो गांजा घलो बरामद करिस। उड़ीसा ले गांजा लाकर दुर्ग ले ट्रेन के रद्दा ले दिल्ली ले जाए बर के तैयारी रहिस। एखर पहिली पुलिस ह कार्रवाई करत हुए तस्कर मन ल पकड़ लिस।
आमानाका टीआई भरत बरेठ के मुताबिक मुखबिर ले सूचना मिलिस कि टाटीबंध चौक म चार संदिग्ध लोग मन खड़े हे। मउका म पुलिस ह जांच करिस, तो एक महिला समेत चार आरोपी मन के पास ले चार अलग-अलग बैग मन म 50 किलो गांजा मिलिस। सबो ल थाना लाकर पूछताछ करे गिस तो पता चलिस कि उड़ीसा के मलकानगिरी ले ये गांजा लाए रहिस अऊ एला दिल्ली ले जावत रहिस। एखर चलत टाटीबंध म बस के इंतजार करत रहिस। सबो आरोपी मन ह दिल्ली के आसपास के रहवइया हे। ये आदतन आरोपी हे। इही तरीके ले आरोपी मन उड़ीसा ले गांजा लाकर दिल्ली म सप्लाई करत रहिस।
गांजा तस्करी के आरोपी मन म कपिल सिंह जाटव, विजय जाटव, सुनील जाटव अऊ पूजा जाटव शामिल हे। एमा ले कपिल, विजय अऊ पूजा एक परिवार के ह अऊ सुनील ओखर पड़ोसी हे। आरोपी महिला मुख्य आरोपी हे।
Other Articles
जुआ खेलत रहिस 15 जुआरी मन गिरफ्तार, डेढ़ लाख रूपिया नगद बरामद
अस्पताल बनवाए बर दिस झांसा अऊ लूट लिस ओखर अस्मत, आरोपी होइस गिरफ्तार
