Chhattisgarh: गांव म खेत-खलिहान तक पहुंचे बर बनाय जाही कच्चा रद्दा ल पक्का, धरसा विकास योजना के क्रियान्वयन के तैयारी हो गे सुरू
जय जोहार…. छत्तीसगढ़ (Chhattisgarh) म धरसा विकास योजना के क्रियान्वयन के तैयारी ह सुरु हो गे हे। एखर अंतर्गत गांव म खेत-खलिहान तक पहुंचे बर धरसा के कच्चा रद्दा ल पक्का बनाय जाही।
ए योजना के क्रियान्वयन बर अलग-अलग विभाग के योजना अऊ मनरेगा अभिसरण बर सरकार के तरफ ले गठित (Chhattisgarh) विभागीय सचिव के तीन सदस्य मन के समिति के शुक्रवार के मंत्रालय म पहिली बइठक होइस।
एमा धरसा विकास बर सबो जिला ले जानकारी मंगाय के प्रारूप म चर्चा करे गिस। जिला ले जानकारी प्राप्त होवत ही एखर बर मानक संचालक प्रक्रिया तय कर मुख्यमंत्री के समक्ष प्रस्तुत करे जाही।
(Chhattisgarh) समिति के सदस्य पंचायत अऊ ग्रामीण विकास विभाग के प्रमुख सचिव गौरव द्विवेदी, लोक निर्माण विभाग के सचिव कैसर अब्दुल हक अऊ अपर विकास आयुक्त अशोक चौबे ह बइठक म शामिल होइस। समिति ह एक सप्ताह के भीतर शासन ल प्रतिवेदन सौंपही।
