रायपुर। अगर सबो ह ठीक ठाक रहत हे त कीमोथेरेपी के विकल्प बर एक सूत्र तइयार हो जाही। जे ह कीमोथेरेपी ले बहुत कम दर्दनाक होही।
रायपुर के एक शोधकर्ता ममता त्रिपाठी ह कैंसर के इलाज करे बर एक सूत्र तइयार करे हे। जे ह शरीर म होवइया कम ले कम 70-80 फीसदी कैंसर कोसिका मन ल मार सकत हे। शोध छात्रा ह बताइस के वो ह ये परिक्छन ल तइयार करे बर 4 ले 5 साल मेहनत करे हे। जेकर बाद येया एक प्रयोगसाला परीक्छन करवाइस हे। जे ह सफल होइस हे। अब उंखर अगला कदम चूह मन जइसे छोटे जीव म परीक्छन करना हे। ये बारे म ममता त्रिपाठी ेकहिना हे के ये ह प्रारंभिक चरन म हे, येखर सेती अभु ले कुछु कहिना ठीक नइए। अउ ने ये कहे जा सकय के ये ह कीमोथेरेपी के विकल्प होही। लेकिन, अगर हमार सोध सोझे दिसा म चलत हे त ये एक सकारात्मक विकल्प हो सकत हे। येकर अलावा, ये कीमोथेरेपी ले बहुते कम दर्दनाक होही।
