teachers day: राष्ट्रपति ह करीन प्रदेस के सिक्षक डॉ. प्रमोद कुमार ल सम्मानित
जय जोहार…. (teachers day) राष्ट्रपति रामनाथ कोविंद ह आज सिक्षक दिवस के अवसर म आयोजित सम्मान समारोह म शिक्षा के क्षेत्र में अनुकरणीय कार्य कर मिसाल पेश करइया देस के कुल 44 सिक्षक मन ल वीडियो कॉन्फ्रेंसिंग ले सम्मानित करे गेहे। राष्ट्रपति डहार ले वर्चुअली कार्यक्रम म राष्ट्रीय सिक्षक सम्मान 2021 ले छत्तीसगढ़ के एकलव्य आदर्स आवासीय विद्यालय करपावण्ड जगदलपुर जिला बस्तर के डॉ. प्रमोद कुमार शुक्ला ल घलो सम्मानित करे गेहे । ए अवसर म केन्द्रीय सिक्षा मंत्री धर्मेन्द्र प्रधान, केन्द्रीय राज्य सिक्षा मंत्री श्रीमती अन्नपूर्णा देवी, डॉ. सुभाष सरकार, डॉ. राजकुमार रंजन सिंह सामिल होय हे।
समारोह के आयोजन ल आज (teachers day) मंत्रालय महानदी भवन म करे गीस। अनुसूचित जाति एवं जनजाति विभाग के सचिव डी.डी. सिंह अउ आयुक्त शम्मी आबदी ह डॉ. शुक्ला ल पदक, प्रसस्ति पत्र, शाल अउ श्रीफल भेट करीन । सचिव डी.डी. सिंह ह डॉ. प्रमोद शुक्ला ल सिक्षा के क्षेत्र म ओखर लगन, निष्ठा बर ओमन ल छत्तीसगढ़ सासन डहार ले धन्यवाद दीन हे।
ए अवसर म (teachers day) राष्ट्रपति रामनाथ कोविंद ह सिक्षक मन ल सम्बोधित करीन। वो हा किहीन कि राष्ट्रीय सिक्षक पुरस्कार समारोह म सामिल होके मोला अत्यंत प्रसन्नता होवत हे। अपन विशिष्ट योगदान बर आज पुरस्कार प्राप्त करइया सबो सिक्षक मन ल मेहा हार्दिक बधाई अउ साधुवाद देवत हों।
