रायपुर। राष्ट्रपति रामनाथ कोविंद ह बस्तर के दो दिवसीय प्रवास म 25 जुलाई ले जगदलपुर पहुंचही। येखर बाद वो ह दक्षिन बस्तर के जिला मुख्यालय दंतेवाड़ा जाही। इहां ले राष्ट्रपति ह एजुकेशन सिटी जावंगा पहुंच के उहां के बेवस्था मन के जायजा लिही। राष्ट्रपति चित्रकोट जलप्रपात ल देखे बर घलो जाही। वो ह बस्तर म ही रात ल गुजारही। गउरतलब हे के बस्तर म रात्रि विश्राम करइया उमन पहिली राष्ट्रपति होही। जानकार मन के कहिना हे के अभु तक ले भारत के कोनो राष्ट्रपति ह बस्तर म रात्रि विश्राम नइ करे हे।
येती प्रसासन ह राष्ट्रपति के प्रवास के मद्देनजर तइयारि मन ल तेज कर दे हे। चित्रकोट के लोनिवि के विश्राम गृह ल राष्ट्रपति बर सजाय जात हे। येखरे संग विश्राम भवन के रंगाई-पोताई के कारय घलो सुरू कर दे गेहे। येखर अलावा जलप्रपात तक पहुंचे के मारग के मरम्मत घलो करे जात हे। प्रधानमंत्री नरेन्द्र मोदी के प्रवास के बाद राष्ट्रपति के बस्तर प्रवास ल सियासी तउर म काफी महत्वपूरन माने जात हे।

रायपुर। राष्ट्रपति रामनाथ कोविंद ह बस्तर के दो दिवसीय प्रवास म 25 जुलाई ले जगदलपुर पहुंचही। येखर बाद वो ह दक्षिन बस्तर के जिला मुख्यालय दंतेवाड़ा जाही। इहां ले राष्ट्रपति ह एजुकेशन सिटी जावंगा पहुंच के उहां के बेवस्था मन के जायजा लिही। राष्ट्रपति चित्रकोट जलप्रपात ल देखे बर घलो जाही। वो ह बस्तर म ही रात ल गुजारही। गउरतलब हे के बस्तर म रात्रि विश्राम करइया उमन पहिली राष्ट्रपति होही। जानकार मन के कहिना हे के अभु तक ले भारत के कोनो राष्ट्रपति ह बस्तर म रात्रि विश्राम नइ करे हे।
येती प्रसासन ह राष्ट्रपति के प्रवास के मद्देनजर तइयारि मन ल तेज कर दे हे। चित्रकोट के लोनिवि के विश्राम गृह ल राष्ट्रपति बर सजाय जात हे। येखरे संग विश्राम भवन के रंगाई-पोताई के कारय घलो सुरू कर दे गेहे। येखर अलावा जलप्रपात तक पहुंचे के मारग के मरम्मत घलो करे जात हे। प्रधानमंत्री नरेन्द्र मोदी के प्रवास के बाद राष्ट्रपति के बस्तर प्रवास ल सियासी तउर म काफी महत्वपूरन माने जात हे।