बालोद म आदिम जाति कल्याण थाना खुलिस

बालोद । दुर्ग रेंज के आईजी जीपी सिंह ह वार्सिक निरीक्षन करे बर बालोद पहुंचिस। जिहां ओहर जिला के डौंडी महामाया थाना के निरीक्षन करिस, अऊ पुलिस दरबार लगाके पुलिस वाला मन के समस्या सुनिस। जेकर बाद ओहर आदिम जाति कल्याण थाना के उद्घाटन करके जिला ल नवा सउगात दिस। IG ह बताइस कि ये वार्सिक निरीक्षन म बालोद जिला के पुलिस टीम अच्छा काम करत हे। पुलिस ल बेरा-बेरा म जे चुनौती मिलथे ओला घलो बेहतर तरीका ले पूरा करे जात हे। ये बेरा पुलिस अधीक्षक आईके एलिसेला, अतिरिक्त पुलिस अधीक्षक जे आर ठाकुर सहित जम्मो पुलिस अधिकारी अऊ थाना प्रभारी उपस्थित रहिन।