Forest department के प्रमुख सचिव ह भूतेश्वरनाथ वनधन केंद्र के करिन अवलोकन
जय जोहार…. वन विभाग (forest department) के प्रमुख सचिव मनोज पिंगुआ ह आज गरियाबन्द जिला के दौरा करिन।
ए दौरान श्री पिंगुआ ह भूतेश्वरनाथ हर्बल आषधि केंद्र म वनधन केन्द्र के कार्य के अवलोकन करे हे।
इहां अलग-अलग औषधीय चूर्ण अउ तेल के बड़का पैमाना म निर्माण के निर्देश दे हे। संगेसंग बड़का बाजार उपलब्ध कराय बर कार्य योजना ल बनाये बर कहिस।
अधिकारी मन ह इहां स्थापित अलग-अलग उपकरण अउ मशीन के घलो अवलोकन करे हे। वनमण्डलाधिकारी मयंक अग्रवाल ह बताइस कि इहां 10 महिला समूह ह औषधि निर्माण कार्य म जुटे हे।
एखर मन के तरफ ले महावीर तेल, भृंगराज तेल, सर्वज्वर चूर्ण बनावत जावत हे। वो हा बताइस कि आयुष विभाग के तरफ ल ए उत्पाद ल मान्यता दे गे हे।
एखर आलावा 20 नवा उत्पाद के लाइसेंस बर आवेदन दे गे हे। ए दौरान अधिकारी मन ह औषधि पौधा के घलो अवलोकन करिन।
एखर बाद शासन के महत्वपूर्ण योजना करवा विकास कार्यक्रम के तहत टोनही नाला म बनाय जावत संरचना के वन विभाग (forest department) के प्रमुख सचिव श्री पिंगुआ ह अवलोकन करिन।
डीएफओ ह बताइस कि स्ट्रक्चर बने ले नाला म पानी के ठहराव रही, जेखर ले आसपास के जल स्तर ह बढ़ही।
