दुर्ग के जेल प्रहरी ह पेश करिस ईमानदारी के मिसाल, एटीएम बूथ म मिलिस 10 हजार, रखे के बजाय वापिस करके दिखाइस ईमानदारी

जय जोहार रायपुर…. दुर्ग सेंट्रल जेल के प्रहरी दिनेश कुमार सिदार ह ईमानदारी के मिसाल दे हे। ओ ला कचहरी शाखा के स्टेट बैंक एटीएम बूथ म 10 हजार रूपिया लावारिस हालत म मिलिस। दिनेश ह वो 10 हजार रूपिया ल वरिष्ठ पुलिस अधीक्षक कार्यालय पहुंच के सौंप दिस।

जानकारी के मुताबिक जेल प्रहरी दिनेश कुमार सिदार ह 17 फरवरी के कचहरी शाखा के स्टेट बैंक एटीएम म पैसा निकाले बर गे रहिस, जिहा ओला एटीएम मशीन म रखे 10 हजार रूपिया मिलिस। वो समय म एटीएम बूथ म कोनो नई रहिस। कोई व्यक्ति के पैसा ले बर भूल होए के संभावना म उक्त पैसा ल तत्काल वरिष्ठ पुलिस अधीक्षक कार्यालय म अतिरिक्त पुलिस अधीक्षक तारकेश्वर पटेल ल सौंप दिस अऊ थाना प्रभारी मौदहापारा ल उक्त पैसा ल जेन कोनो व्यक्ति के होही बैंक ले जानकारी अऊ तस्दीक कर संबंधित ल वापस करे बर के निर्देश दे गिस  ओखर बाद तत्काल सेट्रल जेल दुर्ग के वरिष्ठ जेल अधीक्षक ल जेल प्रहरी के उदारदिल अऊ सराहनीय कार्य बर जेल प्रहरी ल पुरस्कृत करे बर मोबाइल ले सिफारिश करे गिस। ऊहचे वरिष्ठ जेल अधीक्षक दुर्ग ह जेल प्रहरी ल नगद पुरस्कार ले सम्मानित करे बर घोसना घलो करे हे।