प्रियंका परमार दिखही रोमियो राजा म, अनिल शर्मा अऊ देवेन्द्र घलो करे हे कमाल अभिनय

जय जोहार रायपुर…अभी शूटिंग चलत हे रोमियो राजा के जेमा अभिनेता देवेन्द्र जांगडे अऊ प्रियंका परमार के जोड़ी हे, एमा आप मन ल अनिल शर्मा के अभिनय घलो देखे ल मिलही, अराध्य फिल्म प्रोडक्शन के बेनर तले एखर निर्माण होवत हे, फिल्म के अभिनेत्री प्रियंका जब पहिली छत्तीसगढ़ी सिनेमा म कदम रखिस त ओला छत्तीसगढ़ी बोले म दिक्कत आत रिहिस लेकिन आज बहुत अच्छा छत्तीसगढ़ी बोलथे.

प्रियका ह बताइस कि इन्हा के कलाकार मन बहुत साफ़ दिल के हावे अऊ बहुत सपोर्टिव नेचर के हे अऊ ओखरे मन ले छत्तीसगढ़ी सीखे म मदद मिलिस, फिल्म म अनिल शर्मा प्रियंका के बाप के भूमिका म हे, फिलिम के ड्रामा पोर्शन के शूटिंग सिरागे हे अब गाना मन के करे जाहि, जेखर बर लोकेशन चयन चलत हे.