chhattisgarh म मिसन मोड म कोदो, कुटकी अउ रागी के उत्पादन ल दे जाहि बढ़ावा – भूपेश बघेल
जय जोहार…. (chhattisgarh) सीएम भूपेश बघेल ह देस अउ विदेस म कोदो, कुटकी अउ रागी जइसे मिलेट के बाढ़त मांग ल देखत हुये प्रदेस म मिलेट उत्पादन ल बढ़ावा दे के निर्देस देहे। सीएम बघेल ह किहीन कि प्रदेस म बड़का क्षेत्र म मिलेट के उत्पादन होत हे। मिलेट के संग्रहण, प्रसंस्करण अउ वेल्यू एडिसन ले किसान, महिला समूह अउ युवा मन बर रोजगार के संग अच्छा आय के साधन विकसित करे जा सकत हे। सीएम ह आज अपने निवास कार्यालय म आयोजित वन विभाग के समीक्षा बइठक म ये निर्देस देहे।
सीएम बघेल ह किहीन कि कोदो, कुटकी, रागी के क्षेत्र अउ उत्पादन में वृद्धि कर के प्रसंस्करण ले आने उत्पाद ल तैयार कर के प्रदेस म मिलेट के खपत ल बढ़ाये जा सकत हे। (chhattisgarh) प्रदेश म कांकेर, कोण्डागांव, नारायणपुर, जगदलपुर, दंतेवाड़ा, सुकमा, राजनांदगांव, कवर्धा, बेमेतरा अउ सरगुजा के कुछु क्षेत्र म एखर उत्पादन होत हे। वो हा किहीन कि मिलेट के उत्पादन ल बढ़ाय बर चुनिंदा विकासखण्ड म मिलेट क्लस्टर चिन्हांकित कर के उन्नत खेती ल बढ़ावा दे जाए।
सीएम बघेल ह किहीन कि प्रदेश म मिलेट के खेती ल बढ़ावा दे बर एखर खेती अउ फसल कटाई बर मशीनरी किराये म उपलब्ध कराये, स्थानीय अउ उन्नत किस्म के बीज के आपूर्ति, कृषि विज्ञान केन्द्र ले एखर उत्पादन म वृद्धि बर तकनीकी मार्गदर्सन दे जाहि। (chhattisgarh) उल्लेखनीय हे कि कोदो, कुटकी ल न्यूनतम समर्थन मूल्य पर क्रय करे के राज्य सरकार ह निर्णय लेहे। राजीव गांधी किसान न्याय योजना म घलो एला सामिल करे गे हे ।
