Raipur: पंचायत प्रतिनिधि म ग्रामीण मन के प्रगति अऊ कल्याण के होवत हे महत्वपूर्ण उत्तरदायित्व: सीएम
जय जोहार…. (Raipur) सीएम भूपेश बघेल ह राजधानी के अपन निवास कार्यालय ले वीडियो कांफ्रेंसिंग ले ठाकुर प्यारेलाल राज्य पंचायत अऊ ग्रामीण विकास संस्थान निमोरा म नवनिर्वाचित जनप्रतिनिधि मन के आधारभूत प्रशिक्षण कार्यक्रम के शुभारंभ करिन।
ए दौरान सीएम बघेल ह प्रदेश के पंचायती राज संस्था म नवनिर्वाचित लगभग 1 लाख 75 हजार जनप्रतिनिधि के आधारभूत प्रशिक्षण बर पांच प्रकार के प्रशिक्षण माड्यूल पठन साहित्य के विमोचन घलो करिन। सीएम ह कार्यक्रम म जिला, जनपद, ग्राम पंचायत के प्रतिनिधि ले वीडियो कांफ्रेंसिंग के माध्यम ले चर्चा करिन। कार्यक्रम के अध्यक्षता ल पंचायत मंत्री टीएस सिंहदेव ह करिन।
ए अवसर म सीएम बघेल ह कहिन कि पंचायत प्रतिनिधि म ग्रामीण मन के प्रगति अऊ कल्याण के महत्वपूर्ण उत्तरदायित्व होत हे। (Raipur) एखर बर प्रदेश म नवनिर्वाचित राज प्रतिनिधि के आधारभूत अऊ अभिमुखीकरण बर प्रशिक्षण कार्यक्रम के आयोजन करे गे हे। ये प्रशिक्षण कार्यक्रम पंचायत राज संस्था के प्रतिनिधि के क्षमता विकास बर बहुत उपयोगी साबित होही।
(Raipur) सीएम बघेल ह सबो प्रतिनिधि ल प्रशिक्षण कार्यक्रम के लाभ उठात हुये ग्रामीण समेत गांव ल स्वावलम्बी बनाय बर अपन दायित्व ल बेहतर ढेग ले निर्वहन करे ल बिसेस जोर दिस। वो हा कहिन कि राज्य म गढ़बो नवा छत्तीसगढ़ के उद्देश्य ल साकार करे बर नवनिर्वाचित पंचायत प्रतिनिधि के प्रशिक्षण ह अनिवार्य अऊ महत्वपूर्ण हे।
