आयोजन म घलो कोरोना के असर, भक्त माता कर्मा जयंती म मास्क वितरण के संगेसंग चलाए जाही जनजागरण अभियान

जय जोहार रायपुर….कोरोना वायरस के प्रभाव ल देखत हुए अखिल भारतीय तैलिक साहू महासभा के प्रदेश युवा प्रकोष्ठ के तरफ ले कर्मा जयंती के पूर्व संध्या म आयोजित होवइया बाइक रैली म शामिल नई होए के निर्णय ले हे। राष्ट्रीय अऊ प्रदेश साहू संघ युवा प्रकोष्ठ ह ए अवसर पर नवा पहल करत हुए कोरोना वायरस ले बचाव बर मास्क वितरण करे के निर्णय लिस।

अखिल भारतीय तैलिक साहू महासभा के राष्ट्रीय युवा कार्यकारी अध्यक्ष संदीप साहू ह बताइस कि ए बार शक्ति प्रदर्शन के जगह भक्ति प्रदर्शन करे के फैसला ले गे हे। युवा प्रकोष्ठ के ओर ले भक्त माता कर्मा के प्रसाद भोग खिचड़ी बना के भोग लगाए के बाद वितरण करे जाही। एखर बाद भामाशाह छात्रावास परिसर म मास्क वितरित करे जाही। एखर अलावा कोरोना महामारी के संबंध म जनजागरण के कार्य घलो करे जाही।