chhattisgarh : लोक निर्माण मंत्री ह नवा रईपुर म मुख्यमंत्री निवास समेत निर्माणाधीन भवन के करीन निरीक्षण, पढ़व

जय जोहार। (chhattisgarh) लोक निर्माण मंत्री ताम्रध्वज साहू ह आज नवा रईपुर म निर्माणाधीन काम के निरीक्षण करीन। मंत्री ताम्रध्वज साहू ह निर्माणाधीन राजभवन, मुख्यमंत्री निवास, मंत्रीगण निवास अउ विभागीय अधिकारी मन बर आवास भवन के निरीक्षण करीन अउ लोक निर्माण विभाग के अधिकारी मन ल तय बेरा म काम पूरा करे के निर्देस देहे। नवा रईपुर के सेक्टर-18 (सेक्टर-24) म आवासीय भवन के निर्माण काम बर 591 करोड़ 75 लाख रुपए के प्रशासकीय स्वीकृति प्रदान करे गेहे ।

निर्माणाधीन काम के निरीक्षण के दउरान लोक निर्माण मंत्री ताम्रध्वज साहू ह विभागीय अधिकारी मन ल बेरा म काम पूरा करे के निर्देस देहे। (chhattisgarh ) निरीक्षण के दउरान लोक निर्माण विभाग के अधिकारी मन ह ये जानकारी दीन हे कि मुख्यमंत्री निवास के काम दिसंबर 2022 तक अउ सबो मंत्री निवास मार्च 2023 तक पूर्ण कर ले जाही । क्षेत्र म हरियाली बर रॉयल पाम के पौधा लगाय जाही अउ 10 हजार पौधा के रोपण करे जाही ।

निरीक्षण के दउरान लोक निर्माण विभाग के मुख्य अभियंता वीके भत्पहरी, प्रमुख अभियंता ज्ञानेश्वर कश्यक, प्रमुख अभियंता (ई&एम) जी एस मंडावी, अधीक्षण अभियंता विजय सिंह कोर्रम मौजूद रिहीन ।