लोक निर्माण मंत्री साहू ह वीडियो कॉन्फ्रेंसिंग के जरिये केंद्रीय मंत्री गडकरी ले करिस चर्चा
जय जोहार…. लोक निर्माण मंत्री ताम्रध्वज साहू ह आज वीडियो कॉन्फ्रेंसिंग के माध्यम ले केंद्रीय सड़क, परिवहन अऊ राजमार्ग मंत्री नितिन गडकरी ले चर्चा करिस। मंत्री ताम्रध्वज साहू ह बताइस कि छत्तीसगढ़ म राजमार्ग अऊ भारतीय राजमार्ग प्राधिकरण दुनो ल मिला के कुल 21 कार्य प्रगति म हे। ए मार्ग म लॉकडाउन के पालन करत हुए कार्य करे जात हे।
वो हा बताइस कि चांपा-उरगा-कोरबा-कटघोरा मार्ग जेन राष्ट्रीय राजमार्ग 149 बी हे, जेखर बहुत ज्यादा जर्जर होय के चलत यातायात ह प्रभावित होवत हे। इसलिए बरसात के पूर्व एखर जीर्णोद्धार के स्वीकृति प्रदान करे के मांग करिस। मंत्री साहू ह राजमार्ग ले संबंधित मांगे जेन केंद्र म रूका हुए हे, के बारे म घलो चर्चा करिस। वो हा जनसुविधा बर बेमेतरा बायपास ल वर्ष 2020-21 के प्रस्ताव म शामिल करे हे, एला शीघ्र स्वीकृति प्रदान करे के आग्रह केंद्रीय मंत्री गडकरी ले करिस।
मंत्री साहू ह केंद्रीय मंत्री ल बताइस कि प्रदेश म महत्वपूर्ण राष्ट्रीय राजमार्ग 30 रायपुर-बिलासपुर निर्माणाधीन हे। वर्तमान म एखर लगभग 90 प्रतिशत कार्य ह पूरा हो गे हे। ए मार्ग के गुणवत्ता ल लेके मिलत जन शिकायत ले घलो केंद्रीय मंत्री ल अवगत कराइस।
