छत्तीसगढ़ कांग्रेस प्रभारी पुनिया ह तीन दिन के दौरे म आही पांच जून के

जय जोहार…. अखिल भारतीय कांग्रेस कमेटी के छत्तीसगढ़ प्रभारी पीएल पुनिया ह पांच जून के शाम सात बजे दिल्ली ले रायपुर पहुंचही। अपन तीन दिन के दौरे म पुनिया ह छह जून के प्रदेश कार्यालय राजीव भवन म बइठक म भाग लेही।

सात जून के बिहनिया 11.30 बजे कांग्रेस के प्रदेश कार्यालय राजीव भवन म समन्वय समिति के बइठक म भाग लेही। एखर बाद शाम 7.30 बजे रायपुर ले दिल्ली बर रवाना होही। ए जानकारी ल छत्तीसगढ़ प्रदेश कांग्रेस कमेटी के संचार विभाग के अध्यक्ष शैलेश नितिन त्रिवेदी ह दे हे।