स्मार्ट मोबाईल वितरन करिस पुन्नूलाल मोहले ह

नवनीत शुक्ला, मुंगेली। खाद्य नागरिक एवं उपभोक्ता संरक्षण मंत्री पुन्नूलाल मोहले ह मुंगेली जिले म शुक्रवार, 3 अगस्त के संचार क्रांति योजना म स्मार्ट मोबाईल फोन वितरन के सुभारंभ करिस । जिला म लगभग 90 हजार हितग्राही मन ल स्मार्ट मोबाईल फोन बांटही । येमा 5100 कॉलेज पढ़इया लइका मन ल , 81,037 गांव वाले मन ल अउ 4296 सहरी हितग्राही मन ल मोबाईल बांटे जाही ।
जेखर सुरूवात आज पं. श्यामा प्रसाद मुखर्जी स्टेडियम अउ सतनाम भवन म खाद्य नागरिक एवं उपभोक्ता संरक्षण मंत्री पुन्नूलाल मोहले ह करिस। 1 अगस्त ले प्रदेस सरकार पूरा छत्तीसगढ़ म संचार क्रांति लाये बर ये योजना ल लागू करे हे ।