![chhattisgarh म 18.94 लाख किसान मन ले 78.55 लाख टन धान के होइन खरीदी dhan kharidi file](https://jayjohar.com/wp-content/uploads/2021/11/dhan-kharidi-file.jpg)
chhattisgarh म 18.94 लाख किसान मन ले 78.55 लाख टन धान के होइन खरीदी
जय जोहार। छत्तीसगढ़ (chhattisgarh) म धान खरीदी के महाभियान सरलग जारी हे । ये अभियान 31 जनवरी 2023 तक चलही। प्रदेस म समर्थन मूल्य म किसान मन ले अब तक 78.55 लाख मीट्रिक टन धान के खरीदी करे गेहे । धान खरीदी के एवज म राज्य के 18.94 लाख किसान मन ल लगभग 16,217 करोड़ रुपिया के भुगतान बैंक लिंकिंग व्यवस्था के तहत करे गेहे ।
(chhattisgarh) मुख्यमंत्री के पहल म पिछले बछर के तरह ए बछर घलो धान खरीदी के संगेसंग कस्टम मिलिंग बर सरलग धान के उठाव जारी हे । अब तक 62 लाख मीट्रिक टन धान के उठाव बार डीओ जारी करे गेहे , जिसके विरूद्ध मिलर्स डहार ले 51.69 लाख मीट्रिक टन धान के उठाव करे गेहे। अधिकारी मन ह बताइन कि 30 दिसम्बर के 28 हजार 644 किसान मन ले 1.17लाख मीट्रिक टन धान के खरीदी करे गेहे । एखर अलावा ऑनलाइन प्राप्त टोकन के जरिए किसान मन ले लगभग 16 हजार टन धान के घलो खरीदी होए हे ।
गौरतलब हे कि ए बछर राज्य म 25.92 लाख किसान मन के पंजीयन होए हे, जेमा ले लगभग 2.26 लाख नवा किसान सामिल हैं। (chhattisgarh) राज्य म धान खरीदी बर 2600 उपार्जन केन्द्र बनाए गेहे । सामान्य धान 2040 रुपिया प्रति क्विंटल अउ ग्रेड-ए धान 2060 रुपिया प्रति क्विंटल के दर ले खरीदे जात हे । अइसने राज्य म धान खरीदी के व्यवस्था म कड़ी निगरानी रखे जात हे ।