जय जोहार। (Raipur ) मुख्यमंत्री भूपेश बघेल के नेतृत्व म धान खरीदी के तीसरइया सप्ताह किसान मन ले समर्थन मूल्य म 8 लाख 67 हजार 487 मीट्रिक टन धान के खरीदी करे गेहे। राज्य सरकार के धान खरीदी के समुचित व्यवस्था के सेती किसान उत्साह के संग धान खरीदी केन्द्र म पहुंचत हे। धान बेचे बर अब ओमन ल लम्बा इंतजार नई करे ल पड़त हे। छत्तीसगढ़ सरकार डहार ले धान बेचइया किसान ल अग्रिम म टोकन दे जात हे ।
खाद्य विभाग ले प्राप्त जानकारी के अनुसार 1 नवंबर ले चालू धान खरीदी सीजन म अब तक लगभग 2 लाख 61 हजार 346 किसान मन ले 8 लाख 67 हजार 487 मीट्रिक टन धान के खरीदी होइन हे । धान के एवज म किसान मन ल बैंक लिंकिंग व्यवस्था के तहत 1777.59 करोड़ रुपिया के भुगतान जारी कर दे गेहे ।
गौरतलब हे कि राज्य सरकार डहार ले ए बछर 110 लाख मीट्रिक टन धान के उपार्जन अनुमानित हे । समर्थन मूल्य म धान बेचे बर प्रदेस म 25.91 लाख किसान मन के पंजीयन होए हे , जेमा ले लगभग 2.18 लाख नवा किसान हे । राज्य म धान खरीदी बर 2538 उपार्जन केन्द्र बनाए गेहे । ए बछर किसान मन ले सामान्य धान 2040 रुपिया प्रति क्विंटल अउ ग्रेड-ए धान 2060 रुपिया प्रति क्विंटल के दर ले खरीदे जात हे ।
Other Articles
No Comment! Be the first one.