जय जोहार रायपुर…. राज्य शासन के तरफ ले प्रदेश के 12 जिला मन म धान खरीदी बर 8 लाख 16 हजार बारदाना ल उपलब्ध कराए गिस हे। खाद्य विभाग के सचिव कमलप्रीत सिंह ह बताइन कि राज्य के गरियाबंद, बलौदाबाजार, दुर्ग, कोरबा अऊ रायपुर जिला म अतिशेष 8.16 लाख बारदाना ल राज्य के 12 जिला मन म उपलब्ध कराए गिस।
खरीफ विपणन वर्ष 2019-20 म नवा बारादान के अंतर जिला स्थानांतरण के संबंध म छत्तीसगढ़ राज्य सहकारी विपणन संघ मर्यादित नवा रायपुर के तरफ ले जिला विपणन अधिकरी मन ल आदेश जारी कर दे गे हे। जेन जिला मन म अतिरिक्त बारदाना उपलब्ध कराए गिस हे, वो मा सुकमा जिला म 12 हजार 500 बारदाना, बीजापुर जिला म एक लाख 50 हजार बारदाना, दंतेवाड़ा म 15 हजार बारदाना, जगदलपुर जिला म 22 हजार 500 बारदाना अऊ कोंडागांव जिला म एक लाख 15 हजार बारदाना भेजे गिस हे। अइसने बेमेतरा जिला म एक लाख 50 हजार बारदाना, कवर्धा म एक लाख 50 हजार बारदाना, कांकेर जिला म 76 हजार बारदाना, मुंगेली जिला म 50 हजार बारदाना धाना खरीदी बर 19 फरवरी के भेज दे गिस हे।
