अंतागढ़ टेपकांड म नवां मोड़…मंतूराम पवार ह कहिन…. जे अधिकारी के उपर जांच चलत हे वो ला जांच कइसे कर सकत हे

 रायपुर। अंतागढ़ टेपकांड म नवां मोड़ आ गेहे। पूर्व विधायक मंतूराम पवार ह सरकार ल घेरत हुए एक नवां बयान दिस हे। उमन ह जांच अधिकारी उपर ही सवाल उठा दिस हे।  उंखर कहना हे के, खुद आरोप म घिरे अधिकारी कइसे जांच कर सकत हे।

मंतूराम पवार ह प्रदेश के बहुचर्चित टेपकांड मामला म नया बयान देके सनसनी फइला दे हे।  उमन अपन बयान ले सरकार ल घेरे के कोसिस करे हे। । मंतूराम ह एसआईटी ल भंग कर के मांग करत हुए  जांच अधिकारी उपर ही सवाल खड़े कर देहे।

उमन के कहिना हे के, एसआईटी जांच अधिकारी जीपी सिंह उपर जांच चलत हे।  एसपी राहुल शर्मा खुदकुशी मामला म उंखर  खेलाफ जांच चलत हे। अइसे म  वो ह  कइसे मामला के जांच कर सकत हे।

ज्ञात हो कि मामला म एसआईटी के टीम ह मंगलवार देर  संझा गवाह बने अमीन मेमन ले पूछताछ करिस हे। मामला में एसआईटी  ह ओखर ले पहिली मंतूराम पवार अउ मुख्य गवाह फिरोज सिद्दीकी ले पूछताछ कर चुके हे।