छत्तीसगढ़ म रबी फसल के बोनी, किसान मन ल मिलिस 239 करोड़ रूपया के ऋण
रायपुर। छत्तीसगढ़ म रबि सीजन बर 14.13 लाख हेक्टयर क्षेत्र म चना, गेहू, मटर, अलसी, सरसों, मक्का अउ रागी सहित विभिन्न प्रकार के रबी फसल के बोनी होगे हे, जेन ह कुल बोनी के 73 प्रतिशत हरे।
एला लेके कृषि विभाग के अधिकारी मन ह बताइन कि मुख्यमंत्री विष्णु देव साय के पहल ले खरीफ सीजन के तरह रबि सीजन बर घलो अल्पकालीन कृषि ऋण के प्रावधान करे गे हे। अउ अब तक किसान मन ल रबी फसल बर 239 करोड़ रूपया के ऋण राशि प्रदाय करे जा चुका हे। रबी फसल बर ए बछर 2.89 लाख क्विंटल प्रमाणित बीज के वितरण के लक्ष्य रखे गे हे, जेमा 1.60 लाख क्विंटल बीज के भण्डारण करके 1.31 लाख क्विंटल बीज वितरित करे गे हे, जेन भण्डारण के 82 प्रतिशत हे।
ऑअइसने ही रबी फसल बर राज्य म 4.65 लाख मीट्रिक टन उर्वरक वितरण करे के लक्ष्य के विरूद्ध अब तक ले 4.93 लाख मीट्रिक टन उर्वरक के भण्डारण करके 1.61 लाख मीट्रिक टन उर्वरक के वितरण करे गे हे, जेन कुल भण्डारण के 33 प्रतिशत हे।
