Chhattisgarh: रेडियो कार्यक्रम हमर ग्रामसभा के काली होही प्रसारण, पंचायत मंत्री सिंहदेव ह देही श्रोता मन के सवाल के जवाब

जय जोहार…. (Chhattisgarh) रेडियो कार्यक्रम हमर ग्रामसभा के प्रसारण ल 25 अप्रैल के करे जाही। संझा 7.30 बजे ले 8 बजे तक प्रसारित होवइया ए कार्यक्रम में पंचायत अउ ग्रामीण विकास मंत्री टीएस सिंहदेव ह वाट्सएप के माध्यम ले श्रोता मन के पूछे गे प्रश्न के उत्तर देही।

(Chhattisgarh) ए दौरान मंत्री सिंहदेव ह राज्य शासन के नीति, योजना अउ कार्यक्रम के बारे म श्रोता मन के जिज्ञासा के समाधा घलो करही। ए रेडियो कार्यक्रम ल मीडियम वेब 981 किलो हर्ट्ज म सुने जा सकत हे।

बता देन कि पंचायत अउ ग्रामीण विकास विभाग, ठाकुर प्यारे लाल राज्य (Chhattisgarh) पंचायत अउ ग्रामीण विकास संस्थान निमोरा के तरफ ले तैयार रेडियो कार्यक्रम हमर ग्रामसभा के हरेक रविवार के प्रसारण करे जावत हे। 25 अप्रैल के एखर 39वां कड़ी के प्रसारण करे जाही।