राफेल आ गे भारत, अंबाला एयरबेस म करिन लैंडिंग

जय जोहार…. पांच राफेल लड़ाकू विमान ह आज दोपहर अंबाला एयरबेस म उतरे हे। लगभग सात हजार किलोमीटर के दूरी तय कर के फ्रांस ले पांच राफेल ह भारत पहुंच गे हे।

ए दौरान कुछ देर तक पांच राफेल ह अंबाला के आसमान म उड़ान भरे के बाद एक के बाद एक लैंडिंग करिस। एखर बाद राफेल ल वाटर कैनन सैल्यूट घलो दे गिस।

वायुसेना प्रमुख एयरचीफ मार्शल आरकेएस भदौरिया समेत वेस्टर्न एयर कमान्ड के कई अधिकारी मन ह राफेल के अगवानी करिन। अंबाला एयरबेस म 17वीं गोल्डन एरे स्क्वाड्रन राफेल की पहिली स्क्वाड्रन होही।

बता देन कि 22 साल बाद भारत ल पांच नवा फाइटर प्लेन मिले हे। एखर पहिले वर्ष 1997 म देश ल रूस ले सुखोई मिले रिहिस।