अब राहुल के रोड सो ल लेके बिवाद गहरात हे

रायपुर। कांग्रेस अध्यक्ष राहुल गांधी के रैली ल लेके मामला गरमात हे। पहिली रायपुर म राहुल गांधी के सभा ल लेक बिवाद होइस अऊ अब रोड सो ल लेके बिवाद गहरात हे। असल म राहुल के रोड सो बर प्रदेस कांग्रेस ह दुर्ग ल लेके रायपुर एयरपोर्ट तक के रोडमैप तइयार करे रहिस फेर प्रसासन ह रायपुर के कुछ रद्दा ल प्रतिबंधित बताके रोड सो बर मंजूरी नइ दिस। उहें कांग्रेसी नेता एला सरकार के दबाव म आके ले गए फैसला बतात हे। कांग्रेस के कहना हे कि राहुल गांधी के कार्यक्रम ह कउनो रैली या प्रदर्सन नोहे, अइसन म प्रसासन काबर मंजूरी नइ देत हे समझ ले परे हे।