राहुल ह कहिन के, उंखर तीर सब सवाल मन के जवाब नइए.

रायपुर. कांग्रेस के अध्यक्ष राहुल गांधी शुक्रवार के छत्तीसगढ़ प्रवास म पहुंचिन. लोकसभा चुनाव बर तारीख मन के ऐलान के बाद पहिली बेर राहुल गांधी रायपुर पहुंचिसन. राजधानी रायपुर के एक निजी होटल म यूनिवर्सल हेल्थ स्कीम ल ले के आयोजित एक सेमिनार म कांग्रेस अध्यक्ष ह हिस्सा लिस. इहां उमन स्वास्थ्य सेवा मन ले जुड़े विशेषज्ञ मन ले सवाल जवाब करिन. ए दउरान मिले सुझाव मन ल अमल करे के बात घलो कहिन.

राहुल गांधी ह कहिन के, जे राज्य मन म कांग्रेस के सरकार हवय, उहां स्वास्थ्य ले जुड़े लाभकारी योजना मन ल लागू करे म विचार करे जाही. कांग्रेस यूनिवर्सल हेल्थ स्कीम ल लागू करे के दिसा म काम करत हवय. स्वास्थ्य विशेषज्ञ मन ले चर्चा के दउरान राहुल ह कहिन के, उंखर तीर सब सवाल मन के जवाब नइए.

एनजीओ मायाराम सुरजन फाउंडेशन के ओर ले आयोजित सेमिनार म कांग्रेस के राष्ट्रीय अध्यक्ष राहुल गांधी ह विषय विशेषज्ञ मन ले सवाल जवाब घलो करिन. कांग्रेस अध्यक्ष राहुल गांधी ह कहिन के, स्वास्थ्य बर पूरा के पूरा नेटवर्क बनाना पड़ही. ए दिशा म सबो मिल के काम करे के जरूरत हे. आप मन के सुझाव मन बर कांग्रेस के दरवाजा हमेसा ले खुले हवय.

निजीकरण के विरोध
विषय विशेषज्ञमन ले चर्चा म राहुल गांधी ह कहिन, ‘मेरे पास सब सवाल मन के जवाब नइए. मैं आप मन ले सुन के समझ के काम करना चाहत हव. आप लोग ए फील्ड ले हव. आप ए बारे म बेहतर जानत हव. हां यदि आप राजनीति के बारे म पूछ हू त मैं सझत हव के वो ला मैं बेहतर जानत हव. मोर तीर परिकल्पना हे. मैं स्वास्थ्य म निजीकरन के विरोध म हव.’

कार्यशाला म मुख्यमंत्री भूपेश बघेल, स्वास्थ्य मंत्री टीएस सिंहदेव, प्रदेश कांग्रेस प्रभारी पीएल पुनिया व स्वास्थ्य के क्षेत्र ले जुड़े विशेषज्ञ, सामाजिक कार्यकर्ता, डॉक्टर्स अउ समाज के अन्य प्रबुद्धजन उपस्थितरहिन. कार्यशाला के बाद राहुल गांधी ओडिशा के बरगढ़ रवाना हो गिस. जिहां उंखर चुनावी सभा रहिस हे.