बेटी बचाओ-बेटी पढ़ाओ अभियान म उत्कृष्ट प्रदसरन उपर रायगढ़ जिला ल मिलिस राष्ट्रीय सम्मान

रायपुर। बेटी बचाओ-बेटी पढ़ाओ अभियान म देस म सर्वश्रेष्ठ प्रदर्शन  म रायगढ़ जिला ल  उत्कृष्ट जिला के राष्ट्रीय पुरस्कार ले नवाजे गिस हे। गुरुवार के नवां दिल्ली म आयोजित कार्यक्रम म ए पुरस्कार केन्द्रीय महिला अउ बाल विकास मंत्री मेनका गांधी के हाथ मन ले रायगढ़ कलेक्टर यशवंत कुमार व पूर्व कलेक्टर शम्मी आबिदी ह संयुक्त रूप से ले ग्रहन करिन।

रायगढ़ जिला ल ए सम्मान बेटी बचाओ-बेटी पढ़ाओ अभियान के अंतर्गत प्रभावी सामुदायिक सहभागिता बर सम्मान मिलिस हे। उल्लेखनीय हे के, केन्द्रीय महिला अउ बाल विकास मंत्रालय के ओर ले बेटी बचाओ-बेटी पढ़ाओ अभियान के अन्तर्गत उत्कृष्ट अउ प्रभावी कार्य बर  रायगढ़ समेत देस के 25 उत्कृष्ट जिला के चयन करे गिस हे।

रायगढ़ जिला म बेटी बचाओ-बेटी पढ़ाओ के अन्तर्गत पाछू के चार बरस ले काम होवत हे।  बालिका लिंगानुपात बढ़ाए अउ समाज म बालिका मन ल के प्रति सकारात्मक वातावरन तइयार करे जात हे। एखर बर प्रभावी सामुदायिक सहभागिता के तहत आमजन मन ल  जोड़े गेहे , जेखर  सेती लिंगानुपात बरस 2013-14 म 918 प्रति हजार रहिस हे, जे बरस 2018-19 म बढ़के 959 प्रति हजार हो गेहे।